徐緣係邊個唔多解釋，每次聽佢講Talk都有野落袋，重點係幾貼地同實戰，可能因為佢本身就生活在戰場。

如何令人分享 Facebook Feed

呢個問題其實一向困擾住我，因為坊間叫人分享的方法都係利誘多，如抽獎，免費xxx，點樣叫人心甘情願分享一向有難度。唔係個個都有100毛的財力及粉絲基數，SME可以點做呢?

徐緣講要用「價值觀」，呢個講法我記得莊偉忠都講過下，由一本叫<<行銷 3.0>>的書提出，幾年前我借過黎睇，不過當時唔係好明。

「價值觀」我的理解係「你相信什麼?」，「你的品牌相信什麼?」

在Facebook的世界，每個人都有一套自己的睇法，如果朋友寫左d你都認同既觀點，你都會易d 俾個「讚好」。

美國有一個品牌創辦人，廿幾歲，曾經參加 Amazing Race (真人show，10 team人橫越世界五大洲，七大洋完不同的任務，爭取 100萬美元奬金，)，當佢去到阿根廷時，發現當地好多貧窮的小朋友冇鞋著，產生好多腳患問題，紅腫發炎，完左比賽後回國念念不忘。之後他開始構想如何幫助這些小朋友，佢深明靠捐款不能長遠，於是決定成立一間鞋店，標榜「你買一對鞋，我送出一對鞋」。

開業6個月，已經送出超過 10000 對鞋，他就是 TOMS 的由來，TOMS 不是創辦人的名字，而是「Tomorrow Shoe」的縮寫，意即未來的鞋。現在TOMS 將買一送一的概念拓展到不同的產品，例如眼鏡系，買眼鏡就會送出一幅眼鏡或替眼疾兒童提供治療，你買咖啡豆，我捐水源等等。

正常人睇到上面呢篇故事，會有什麼反應我唔知，我只知自己覺得成件事好有意義，好有型，我會好樂意分享上述故事。

(By the way, 創辦人也不是天下無敵，最終佢只能在Amazing Race 攞第二，成為一生憾事)

重點是，人會記得故事，特別係觸動到自己價值觀的故事。但請謹記，行善這個概念要小心運用，行善並不是單憑口講，捐下錢，普通人已經懂得分辨一間公司是否言行一致。

提高 Facebook自然散播率 – 死亡 15分鐘

大家可能已經知道Facebook的自然散播率係極低，由最早期的 1x% 跌到依家 2-3%，真係低到一個會令人燥的點。原來Facebook有一套機制去判斷你的內容是否值得散播，那就是根據發貼後頭 15分鐘的互動 (engagement)。

只要你發貼，Facebook 便開始紀錄用戶的互動，不論是按讚、留下評言、分享都會被紀低，Facebook 會根據互動率去決定是否增加你的自然散播率。所以各位務必要在頭15分鐘諗下點樣加強反應。有一點可能大家都會忽略的係，原來點擊「更多」也是互動的一種，所以寫多幾行內容，誘人按都係一種可行的方法。

點擊「更多」也是互動的一種，所以寫多幾行內容，誘人按都係一種可行的方法。

當然啦，以上只是一些技巧及心態，你的內容還是最為關鍵，冇乜IDEA的，不妨參考下 <<B2B內容行銷>>

最近再去聽徐緣的講座，佢提到點樣去做內容，我覺得幾有啟發性，其中一句是﹕「柒事認真做!」

別人看在眼內無聊的事情，會否得到人欣賞呢?

一個例子是他做了一個<<足球小將>>的專題，記錄了戴志偉的命中率、起腳次數、林源三爆手套等等的有趣數據，目的是為推廣蘋果的動漫台。 結果得到了極多的分享次數，反應非常好。

最值得的分享是，做內容不一要大公司才可以做，他也只是找了一個大學生去做，由第 1 期數到第 92期，記低這些數據，長及有深度的內容絕對有支持者。 不妨想想你的內容有否數據，是否可以用一個有趣的角度去演繹!