上一篇 <<戶外推廣小貼士 – 最少替你省下 HKD 1500 罰款>>反應不錯，本篇再分享多一點戶外推廣活動的種類，今次介紹現在幾流行的戶外廣告車。
戶外搞推廣活動，除了擺攤檔，找 Showgirl / Promoter 幫手推廣還有派傳單、擺放攤位派贈品、玩遊戲送贈品coupon外，大家有無留意到有時喺街見到有d人肉廣告牌都係為左吸引街上既人目光，從而可以令到你所推廣的產品得到人注意，咁就係你推廣活動中最想得到的東西。
流動宣傳車
現在大家會唔會發現到街上出現到一架架貼滿產品品牌的大型宣傳車，有些是中間透明的，可以望到入面的情況，而今次我想介紹俾大家既就係—流動廣告車或者流動展覽車而流動廣告車英文，可以叫為(Moving Showroom)。
其實流動廣告車哩幾年喺廣告界並唔算係D咩新鮮既事物，我唔敢話我地係第一個做，甚至話係我地設計，只不過我地喺好早好早之前已經有開始用流動廣告車做推廣，儲左唔少經驗可以同大家分享一下流動廣告車有咩咁特別，有D咩SELLING POINT，就算是廣告車費用都可以分享少少。
流動廣告車/流動展覽車外型吸引人群目光
流動廣告車唔只係一架大貨車咁簡單， 通常都會按客人既要求度身訂製唔同既裝飾品貼紙擺設去裝飾貨車， 務求做到架貨車在街上時會吸引最多人既注意， 除了極至吸引到遊人注意的外形外，車上還有很多工具可以幫到客人手去做推廣!
車內會有最基本的冷氣設備，曾經接過一單生意是關於飲品的， 在外的顧客上車避暑之餘又可以品嘗一下預先準備好的飲品，仲可以即場有得發售，剌激產品的銷量。
我們亦試過把車改裝成小型遊戲機中心，車內會有電源提供，有60吋大電視配合小型音器設備， 曾經有遊戲軟件發展商租用流動廣告車給客人用車內的大電視親身感受遊戲樂趣。又好似下面張相既賽車推廣活動，車箱內佈置左一個賽車既遊戲連埋模擬駕駛艙配合大電視俾客人上車內感受一下賽車氣氛，吸引到唔少大人同細路，仲有賽車既發燒友上流動廣告車內試玩一番。
以下是可擺放流動廣告車位置﹕
- 香港島
- 銅鑼灣 Sogo (Mon – Fri before 1600) | 渣甸坊 | 百德新街
- 灣仔 灣仔電腦城
- 鰂魚涌 太古坊 | 模範里九龍
- 九龍
- 尖沙咀 海防道 | 加拿芬道 | 加連威老道
- 旺角 西洋菜街 (Mon – Sat before 1600) | 弼街 | 花園街
- 觀塘 駿業里
- 新界
- 元朗 裕景坊 | 西菁街
- 大埔 昌運中心 | 新達廣場
- 屯門 屯順街
流動廣告車 – 形象百變配合推廣
流動廣告車這樣百變多功能用途的設計，非常適合不同類型商品的推廣活動廣告，就算是用作電影電視拍攝用途也曾試過，真是千變萬化; 只要你有甚麼新創意再配合流動廣告車， 每每出車都可以成為全場的目光吸引街上所有經過推廣活動地方的途人眼光。
流動廣告車是另一款戶外宣傳的方法，比起舊式在各大小街行上派發宣傳單張更加能容易吸引路人的眼光~而流動廣告車在世界各地都好普遍亦都非常流行，路上的途人容易吸引到車箱內參觀和體驗客人預先準備的品牌產品及概念。好似片中大街小巷都可能會見過﹕
流動廣告車價錢
很多客人都會擔心流動廣告車的泊車問題，其實流動廣告車既可以走遍客人想到的地方，又可以同一日早午晚幾個不同的地段擺放，如果宣傳地點效果不理想又可以隨即轉到別的地方，以經濟成本上客人又得益，流動廣告車的靈活又有效地在街上唔同地方增加曝光率。
流動廣告車設計除了車身，內容會包含車身外的裝置及裝飾做到配合不同宣傳活動和客人想要的效果，加上創意的車身設計，有效地吸引群眾眼球及突顯品牌形象。
根據數以百計的出車工作經驗，我們還會提供專業的活動統籌服務，例如甚麼時段、甚麼地方、可以在那兒停車安排推廣活動，亦可以提供推廣員一併出車派發宣傳單張或是在車內協助推廣。至於大家最擔心既流動廣告車價錢，老實講都係要睇係咪 Peak Season 。即係假日或者前夕會貴少少，同埋睇下你出車時段長短日數等都係會令價格有所唔同，所以如果大家想搵宣傳車出租同價錢可以先向我地查詢。