故事的起源要數到2000年，那年我16歲，住公屋，讀書成績尚可，沒有富爸爸，亦知道自己唔太鐘意讀書，但為左有書讀，拼命都要上到中六，但對「錢」的興趣其實遠大於學習。
那年<<富爸爸 窮爸爸>>一書席捲全球，好奇心驅使下便買完家閱讀，可以話把我人生徹底改變。看完一本後，買埋同一系列其他書去睇，基本上當時7本富爸爸系列伴隨高考，叫做勉強入到大學，都幾肯定本科不會是自己之後的路。
如果各位有讀過富爸爸系列，都應該對ESBI四個矩陣有少許認識，由於當時沒有太大的判斷力，所以好容易就已經被洗腦一定要做B，即係企業家或企業擁有人，一定要有財務自由，不為錢打工。
當年就是要下定決心成為 B，亦即企業家
讀完呢本書，你會覺得呢個世界充滿希望，只要跟住做，財務自由應該不遠矣。
我沒有改變世界的目標，我只想身邊的人生活過得更好。
跟著書中的指示，先去做推銷員，我本身性格不屬於外向型，對推銷一向的感覺都好一般，因為新聞永遠賣的都是保險從業員的強逼推銷，以及當時的心態覺得大學生應該是做管理，坐Office，我點可能做一個推銷員? 要叫人買野呢?
礙於面子問題，的確十分猶疑，但富爸爸本書講所有領導人都係一個偉大的推銷員，亦要勇於接受被拒絕，於是真係硬住頭皮走去應徵做推廣員。
好記得第一日番工喺去深水埗賣手提電話，我連主動走去客人問野都驚，我都知自己好驚俾人拒絕，於是真係硬著頭皮講，最終當日賣左兩部電話，算對自己有少少交代。
當時其實對做生意真的沒有什麼概念，只是一味睇書，但因為傳統生意的起步資金不少，像我這些月光族 (其實我唔大洗，只是番兼職只能夠維持大學生活開資，已經沒有多餘錢可用了)根本無可能創業。
無錢創業，唯有試下投資股票，但當自己研究時發覺真的投入不了，對數字不敏感，亦沒有太多的心機放進去，結果只能說平手離場，我不太喜歡被動地等著價格上升，可操控的地方著實太少。
結果，畢業後走進電信公司做客戶經理，其實又係做銷售員，只不過今次著西裝咁解。
越做發覺越唔對路，因為真的看不到前途，錢唔係揾得多，越做越Hea，做到無晒鬥志，苦無方法只能死忍，其實當時已經有少少認命。
企業家夢越來越遠，因為我已經唔知點走。
可能真係命運安排，一日行過書局，一本叫作<<一周工作4小時，晉身新富貴族>>吸引我的所有注意力，我企喺書局睇左一個鐘，睇到關門都未走，最後買埋番屋企睇。
當時我對Online Marketing零理解，認知中就是Yahoo拍賣，ebay等，從來沒有進入這個行業，然而從書中看到另一個世界，亦令我清了一個幾重要的信念。
除了錢以外，我還要時間，更準確一點，我要取回自己人生的主導權。
我不停上網睇資料，顯然書中有部份方法不太啱我用，始終它的讀者群是美國人。
我花了好多時間去睇，美國上網揾錢的方法多到眼花，每個方法都好似都有機會揾到錢，就這樣我跌跌撞撞下走入這個行業。
當然，我以為自己的企業家之夢重燃，以為世界為我而開，其實只是另一個惡夢的開始。
我試了很多方法，有好長的一段時間，我只可以靠八達通的自動增值俾食飯錢，因為所有現金都花光了。
到現在我都唔知點樣捱過當時的日子，自信心跌到落谷底，不停不停懷疑自己，有好多晚趁屋企人瞓晒既時侯自己嘆氣。好擔心唔知要捱幾耐，但又唔可以令父母擔心，個種感覺好辛苦。人有時就會在這個時候比較，眼見朋友順利，人工越來越高，我就連飯錢都冇，真係眼紅同洩氣。
當時，祈禱又試過，佛牌又載過，我真係明點解有人會信「性交轉運」，因為已經冇野可以輸，只可惜我係男人。
沉左兩年幾三年，實際我都唔係好記得幾耐，終於有少少起色，係「少少」，都係唔太掂。
這個行業真係好奇怪，門檻好低，但要精通及成功一點都唔易，現在總算掌握了少少，睇我的BLOG就知我點解咁講。雖然好老土，好唔型，但都係果句﹕辛勤工作 百份二百的努力是不能避免。
現在回想起，如果當時可以有人教一教，應該可以走少點錯路，就算錯都唔會太傷。
好可惜這個世界沒有如果，我也不能省回那三年的時間。
當中，有幾點我想分享一下﹕
1. Online生意同所有生意一樣，都不要期望立即有回報。以前我賣產品，好多時都想即刻有人買，但其實更重要的工作應該是跟訪客建立關係，因此我現在好多時都會拉長整個銷售週期去到3至6個月。
2. 你要系統化你的銷售過程，否則你的生意不可能擴大。
3. 「你」最好不在系統內
現在的我未達到財務自由，但向著目標走的感覺越來越好，實際工作時間越來越少，收入卻越來越多。現在擁有一間 Digital Agency ，一間網店，一個專欄， 一間80位同事的人力資源公司，一本網上雜誌。
當身邊朋友還在為工作及老闆苦惱時，有時會慶幸自己幾年前作的決定，更重要的是我拿回了自己人生的主導權。
如果各位想建立你的網上生意，最好的方法就是揾一個已經成功的人模仿。真的，打好基礎，你會行少好多錯路。網上創業的確可行，我深信基本上任何只要想學的人都有機會做到，只是你有沒有行動罷了。
現在我的目標是網賺月被動收入 10萬元，現在還在努力進行。想像一下，如果你得到財務自由、時間自由，你會做什麼呢?
有人會環遊世界，有人會享受跟家人一起相處的時間，而我就是想貢獻更多!
做了兩年陳校長免費補習的義師，有一種滿足感對我來講比賺到錢更快樂，那就是真真正正的幫到人。
以上是我少少的分享，好希望啟發到你去追夢，爭取原本你應該有的自由。
注意﹕網上創業人仕注意
各位好，我係Ringo，做左網賺超過6年，依家有一間Digital Agency專門幫人做 SEO及建立自動化銷售漏斗。
今日唔係叫你買野…..而係想向你推薦一本你一定要睇的書 (本書仲要免費)
呢本書會教你點樣一步一步建立你的網上生意……
如果你已經試過好多創業方法都揾唔到錢，又苦無其他方法……
你要睇下呢本書……..因為……
富爸爸作者 Robert Kiyosaki 及激勵大師 Tony Robbins 都係用書教的系統設計他們的網上生意……
如果各位有興趣的話，可以到以下網頁了解﹕
我有什麼陰謀嗎?
暫時未有，或者我想你對你信任更加多一點……
之後我可以賣更貴的產品給你……
如果你想有一盆額外收入的生意，又唔知如何埋手的話，你應該最少了解一下……
曾經睇過一項統計﹕
老了，一生最後悔什麼？全球統計前五名
第一名：92%的人後悔年輕時努力不夠導致一事無成
第二名：73%的人後悔在年輕的時候選錯了職業
第三名：62%的人後悔對子女教育不當
第四名：57%的人後悔沒有好好珍惜自己的伴侶
第五名：45%的人後悔沒有善待自己的身體……….如果各位曾經試過為自己事業努力但未成功，唔好放棄，繼續試……
我不能說自己成功，但叫做一步步向前邁進…….
